2023 жылдың 27 наурыз күні Абай облысында Туберкулезге қарсы іс-шараларды жүзеге асырудың 2023 жылдың 2 айының қорытындысы бойынша өткізілген облыстық үйлестіру кеңесінде Абай облысы Денсаулық сақтау басқармасы облыстағы қалалық және аудандық БМКК ұйымдарының басшыларын туберкулезді ерте анықтау бойынша оқытуды қамтамасыз етуді тапсырды.
Осыған орай ағымдағы жылдың 30 мамыры мен 31 мамыры күндері Абай Облыстық фтизиопульмонология орталығының қабырғасында «БМКК желісінде туберкулезді анықтаудың,диагностикалаудың және алдын алудың басым әдістері» тақырыбы бойынша облыстың қалалары мен аудандарының БМКК ұйымдарының басшылары үшін оқыту тренингі басталды.
Оқыту тренингін ҚР ДСМ «Ұлттық фтизиопульмонология ғылыми орталығы» ШЖҚ РМК директоры Әденов Мәлік Молдабекұлы және ҚР ДСМ ҰФҒО ҰОО басшысының орынбасары Сидоренко Ольга Альбертовна өткізуде.
